لاہور ہائی کورٹ راولپنڈی بینچ نے سیاسی رہنما شہریار آفریدی کے بھائی فرخ جمال کے پیش ہونے پر بازیابی سے متعلق دائر درخواست نمٹا دی۔
لاہور ہائی کورٹ راولپنڈی بینچ کے جسٹس صداقت علی خان نے فرخ جمال کی بازیابی سے متعلق دائر درخواست پر سماعت کی۔
اس دوران فرخ جمال آفریدی اپنے وکیل خالد اسماعیل ایڈوکیٹ کے ہمراہ عدالت میں پیش ہوئے۔
عدالت نے فرخ جمال آفریدی کی بازیابی میں تاخیر پر ڈی پی او جہلم پر برہمی کا اظہار کیا۔
فرخ جمال کے وکیل نے عدالت میں سماعت کے دوران مؤقف اختیار کی کہ فرخ جمال آفریدی کا شناختی کارڈ اور موبائل فون واپس نہیں کیا گیا۔
جس پر عدالت نے فرخ جمال آفریدی کا شناختی کارڈ اور موبائل فون واپس دینے کا حکم دیتے ہوئے درخواست نمٹا دی۔
Comments are closed.