بدھ14؍شوال المکرم 1442ھ26؍مئی 2021ء

شاہ حسین کو سزا میں17 ماہ کی چھوٹ کیسے ملی، فیاض چوہان نے بتادیا

وزیر جیل خانہ جات پنجاب فیاض الحسن چوہان کا کہنا ہے کہ شاہ حسین کو سزا میں صدر، وزیراعظم، وزیراعلیٰ کی جانب سےکوئی معافی نہیں ملی، جیل رولز کے مطابق شاہ حسین کو 5 سال کے دوران سزا میں 17ماہ 23 دن کی چھوٹ ملی۔

یاد رہے کہ خدیجہ صدیقی پر خنجر سے 23 بار وار کرنے والا مجرم شاہ حسین 5 سالہ قید کے بجائے ساڑھے 3 سال میں رہا کردیا گیا۔

فیاض الحسن چوہان نے جیو نیوز سے گفتگو میں کہا کہ آئی جی جیل اورسپرنٹنڈنٹ جیل کی جانب سے بھی سزا میں کوئی معافی نہیں دی گئی، جیل رولزکےمطابق شاہ حسین کو 5 سال کے دوران سزا میں 17ماہ 23 دن کی چھوٹ ملی۔

وزیرجیل خانہ جات پنجاب فیاض الحسن چوہان کی ٹریفک…

انہوں نے کہا کہ شاہ حسین کو قید کےدوران مختلف مشقت کرنے پر سزا میں 8ماہ 8 دن معافی ملی، اچھےچال چلن پر سزا میں ایک ماہ اور خون دینے پر ایک ماہ کی معافی ملی۔

فیاض چوہان نے بتایا کہ جیل میں2019میں بی اےکرنےپر سزامیں 4ماہ15دن کی معافی دی گئی، شاہ حسین کو2020 میں قرآن پاک ترجمے کے ساتھ ختم کرنے پر سزامیں 3 ماہ چھوٹ ملی۔

بشکریہ جنگ
You might also like

Comments are closed.