سیکریٹری پرائمری اینڈ سکینڈری ہیلتھ کیئر نے بھی پنجاب میں ویکسین ضائع ہونے کی تردید کردی

سیکریٹری پرائمری اینڈ سکینڈری ہیلتھ کیئر پنجاب سارہ اسلم نے بھی صوبے میں کورونا وائرس ویکسین ضائع ہونے خبروں کی تردید کردی۔ 

اپنے ایک بیان میں سارہ اسلم کا کہنا تھا کہ کورونا وائرس کی 38 ہزار ویکسین ڈوز ضائع ہونےکی خبر بےبنیاد ہے۔

انھوں نے کہا کہ ویکسینیشن مہم میں معمول کی ویسٹیج کے اعداد و شمار کو غلط پیش کیا جارہا ہے۔

ذرائع محکمہ صحت پنجاب کا کہنا ہے کہ سب سے زیادہ 2 ہزار 959 ویکسین لاہور میں ضائع ہوئی۔

سیکریٹری پرائمری اینڈ سکینڈری ہیلتھ کیئر کا کہنا تھا کہ جن اعداد و شمار کا ذکر ہے وہ 5 ماہ میں ہونے والی معمول کی ویسٹیج کے نمبرز ہیں۔

انھوں نے کہا کہ یہ نمبرز روزانہ کی بنیاد پر این سی او سی کو بھیجے جاتے ہیں، پنجاب میں کورونا ویکسین کی ویسٹیج کل سپلائی کا 0.37 فیصد رہی ہے۔

بشکریہ جنگ