سینئر سعودی فوجی افسر کی سوڈان سے آنے والے ایرانی شہریوں سے گفتگو

سینئر سعودی فوجی افسر نے ایرانی سفارتکار اور شہریوں سے بات چیت کی۔

فوجی افسر میجر جنرل احمد الدبیس نے سوڈان سے انخلاء کرائے گئے ایرانی سفارت کار اور شہریوں سےبات کی تھی۔ سعودی حکومت نے ایرانی سفارت کاروں اور شہریوں کو سوڈان سے تہران منتقل کیا تھا۔ 

میجر جنرل احمد الدبیس نے ایرانی شہریوں کو سعودی عرب کا دورہ کرنے کی دعوت دی۔ 

اس موقع پر میجر جنرل احمد الدبیس نے کہا کہ سعودی اور ایرانی دوست نہیں بلکہ بھائی ہیں۔ ایرانی بھائی جب چاہیں سعودی عرب کی کسی بھی جگہ کا دورہ کر سکتے ہیں۔ 

انہوں نے کہا کہ عمرہ، حج یا سیاحتی دورے پر آنے والے ایرانی شہریوں کا خیرمقدم کیا جائے گا۔ 

میجر جنرل احمد الدبیس نے مزید کہا یہ آپ کا ملک ہے، کسی بھی چیز کی ضرورت پیش آئے تو ہم تیار ہیں۔

بشکریہ جنگ