بدھ14؍شوال المکرم 1442ھ26؍مئی 2021ء

سوات: PDM کا جلسہ شروع

اپوزیشن اتحاد پاکستان ڈیموکریٹک موومنٹ (پی ڈی ایم) کا سوات کے گراسی گراؤنڈ میں جلسہ شروع ہو گیا، اتحاد میں شامل جماعتوں کے کارکنوں کی جلسہ گاہ آمد کا سلسلہ جاری ہے۔

جلسے سے سربراہ پی ڈی ایم مولانا فضل الرحمٰن، قومی اسمبلی میں اپوزیشن لیڈر میاں شہباز شریف اور دیگر قائدین خطاب کریں گے۔

مسلم لیگ نون کی ترجمان مریم اورنگزیب کا کہنا ہے کہ اپوزیشن اتحاد پاکستان ڈیموکریٹک موومنٹ (پی ڈی ایم) کا جلسہ آج سوات میں ہو گا، جس کے لیے تمام تیاریاں مکمل کر لی گئی ہیں۔

اس سے قبل جلسے میں شرکت کرنے کے لیے صدرِ مسلم لیگ نون اور قومی اسمبلی میں اپوزیشن لیڈر میاں شہباز شریف سوات پہنچے۔

مسلم لیگ نون کی ترجمان مریم اورنگزیب کا اس حوالے سے کہنا تھا کہ شہباز شریف کی قیادت میں مسلم لیگ نون کا وفد پی ڈی ایم کے جلسے میں شریک ہو گا۔

خیبر پختون خوا کی پرفضا وادی سوات میں اپوزیشن اتحاد پاکستان ڈیمو کریٹک موومنٹ (پی ڈی ایم) کے آج ہونے والے جلسے میں شرکت کرنے لیے صدرِ مسلم لیگ نون اور قومی اسمبلی میں اپوزیشن لیڈر میاں شہباز شریف سوات پہنچ گئے۔

مریم اورنگزیب نے مزید بتایا کہ صدر نون لیگ میاں شہباز شریف بالا کوٹ سے ریلی کی قیادت کرتے ہوئے جلسہ گاہ جائیں گے۔

نون لیگی ترجمان کا یہ بھی کہنا ہے کہ ریلی کا آغاز بالا کوٹ اور مالم جبہ سے ہو گا جو مختلف راستوں سے ہوتی ہوئی جلسہ گاہ کے مقام گراسی گراؤنڈ پہنچے گی۔

بشکریہ جنگ
You might also like

Comments are closed.