بدھ14؍شوال المکرم 1442ھ26؍مئی 2021ء

سمندری طوفان کا 9 واں الرٹ جاری

محکمۂ موسمیات نے سمندری طوفان سے متعلق 9 واں الرٹ جاری کر دیا۔

محکمۂ موسمیات کے مطابق بحیرۂ عرب کے شمال مغرب میں شدید سمندری طوفان موجود ہے، یہ طوفان 12 گھنٹوں کے دوران 10 کلو میٹر فی گھنٹہ کی رفتار سے بڑھا ہے۔

محکمۂ موسمیات نے بتایا کہ یہ طوفان کراچی کے مغرب اور جنوب مغرب سے 780 کلو میٹر دور ہے۔

محکمۂ موسمیات کی جانب سے سمندری طوفان ’شاہین‘ سے متعلق ساتواں الرٹ جاری کر دیا گیا۔

محکمۂ موسمیات نے بتایا ہے کہ یہ طوفان اورماڑہ سے 530 کلو میٹر اور گوادر سے 300 کلو میٹر کے فاصلے پر ہے۔

محکمۂ موسمیات نے بتایا ہے کہ طوفان مسقط سے 120 کلو میٹر دور مشرق اور شمال مشرق میں موجود ہے، جس کے اطراف ہواؤں کی رفتار 115 سے 125 کلو میٹر فی گھنٹہ ہے۔

محکمۂ موسمیات نے بتایا ہے کہ طوفان کے باعث گودار، کیچ اور پنجگور میں آج شام تک گرج و چمک کے ساتھ بارش کا امکان ہے۔

بحیرۂ عرب میں بننے والے سمندری طوفان شاہین کے زیرِ اثر بلوچستان کے ساحلی علاقوں میں تیز ہوا کے ساتھ وقفے وقفے سے بارش جاری ہے۔

محکمۂ موسمیات نے خبر دار کیا ہے کہ طوفان کے دوران سمندر میں طغیانی رہ سکتی ہے، اس لیے ماہی گیر آج گہرے سمندر میں جانے سے اجتناب کریں۔

محکمۂ موسمیات نے اپنے الرٹ میں یہ بھی کہا ہے کہ تیزہوائیں گوادر اور جیوانی کے ساحل پر کمزور تعمیرات کو نقصان پہنچا سکتی ہیں۔

بشکریہ جنگ
You might also like

Comments are closed.