سراج الحق نے حکومت اور پی ڈی ایم کی پالیسی کو ایک جیسا قرار دیدیا

امیر جماعت اسلامی سراج الحق نے پاکستان تحریک انصاف (پی ٹی آئی) حکومت اور اپوزیشن اتحاد پاکستان ڈیموکریٹک موومنٹ (پی ڈی ایم) کی پالیسی کو ایک جیسا قرار دے دیا۔ 

جھنگ میں میڈیا سے گفتگو کرتے ہوئے سراج الحق کا کہنا تھا کہ موجودہ حکومت اور پی ڈی ایم کی پالیسیوں میں کوئی فرق نہیں ہے۔

سراج الحق نے کہا کہ آج کل وزیراعظم کی باڈی لینگویج ان کی زبان کا ساتھ نہیں دے رہی۔

سراج الحق نے کہا کہ موجودہ حکومت خود اندرونی خلفشار کا شکار ہے۔

امیر جماعت اسلامی کا کہنا تھا کہ سینیٹ انتخابات میں مافیاز اور ان کے نمائندوں کو ٹکٹ دیئے گئے۔

سراج الحق نے کہا کہ معیشت سے متعلق بین الاقوامی اداروں کی رپورٹ حکومت کے لیے آئینہ ہے۔

بشکریہ جنگ