سخت سردی کے باوجود امریکا میں غزہ کی حمایت میں ریلی

سخت سردی کے باوجود امریکا کے شہر نیویارک میں غزہ کی حمایت میں احتجاجی ریلی نکالی گئی۔

عرب میڈیا کے مطابق مظاہرین نے فلسطین کی آزادی کے حق میں نعرے لگائے۔

دوسری جانب اسرائیلی فورسز 7 اکتوبر 2023ء سے مسلسل غزہ کے علاقوں کو نشانے پر رکھے ہوئے ہیں۔

اسرائیلی فوج نے خان یونس میں حملے بڑھا دیے جبکہ فلسطینی ہلال احمر کے اسپتال کے اطراف بھی اسرائیلی فوج نے شدید گولہ باری اور ڈرون سے فائرنگ کی۔

غیرملکی میڈیا کے مطابق 7 اکتوبر سے اب تک اسرائیلی حملوں میں شہید فلسطینیوں کی تعداد 22 ہزار 925 سے متجاوز ہو چکی ہے جبکہ 57 ہزار 910 سے زائد افراد زخمی ہو چکے ہیں۔

علاوہ ازیں غزہ میں زمینی آپریشن شروع کرنے سے اب تک حماس کے مزاحمت کاروں کا نشانہ بن کر ہلاک ہونے والے اسرائیلی فوجیوں کی تعداد 510 ہوگئی ہے۔

بشکریہ جنگ