خیبر پختون خوا: بارش، سیلاب سے 4 روز میں 14 افراد جاں بحق

پی ڈی ایم اے خیبر پختون خوا کا کہنا ہے کہ صوبے بھر میں 4 روز میں ہونے والی بارشوں سے اور سیلاب سے 14 افراد جاں بحق اور 26 زخمی ہوئے ہیں۔

پی ڈی ایم اے خیبر پختون خوا نے صوبے بھر میں 4 روز میں ہونے والی بارشوں سے نقصانات کی رپورٹ جاری کر دی۔

پشاور ……بارش سے پشاور میں موسم خوشگوار ہو…

پی ڈی ایم اے خیبر پختون خوا کے مطابق صوبے میں بارشوں سے 21 گھروں کو جزوی نقصان پہنچا، جبکہ 4 گھروں کو مکمل نقصان ہوا۔

پی ڈی ایم اے خیبر پختون خوا کے ڈی جی کے مطابق مختلف علاقوں کی ضلعی انتظامیہ اور متعلقہ اداروں سے رابطے میں ہیں، صوبے کے دریاؤں کا بہاؤ نارمل ہے۔

خیبر پختون خوا کے دارالخلافہ پشاور میں بارش سے جہاں موسم خوش گوار ہوا تو دوسری جانب شہر میں بارش کا پانی جمع ہونے سے سڑکیں جھیل کا منظر پیش کرنے لگیں۔

ترجمان پی ڈی ایم اے کا کہنا ہے کہ بارش اور سیلابی صورتِ حال کے حوالے سے پی ڈی ایم اے کا کنٹرول روم 24 گھنٹے فعال ہے۔

دوسری جانب ضلعی انتظامیہ چارسدہ کا کہنا ہے کہ شب قدر، مٹہ اور رستم خیل کے بارش متاثرین میں امدادی سامان تقسیم کیا گیا ہے۔

بشکریہ جنگ