خیبرپختون خوا میں ڈینگی نے زور پکڑ لیا

خیبرپختون خوا میں ڈینگی وائرس نے زور پکڑلیا، پشاور میں 24 گھنٹوں کے دوران ڈینگی کے 438 نئے کیسز سامنے آگئے۔

راولپنڈی میں گزشتہ چوبیس گھنٹوں کے دوران مزید 94 افراد ڈینگی کا شکار بنے

اسپتال انتظامیہ کا کہنا ہے کہ خیبرٹیچنگ اسپتال میں ڈینگی کے 25 نئے مریض داخل ہوئے ہیں جس کے بعد تعداد 73 ہوگئی۔

دوسری جانب پنجاب میں بھی ڈینگی کے مریضوں کی تعداد تیزی سے بڑھنے لگی جہاں پر ایک دن میں 374 افراد ڈینگی سے متاثر ہوئے جن میں ڈھائی سو سے زائد کیسز لاہور سے سامنے آئے ہیں۔

خیبرپختونخوا میں 24 گھنٹوں میں ڈینگی کے 79 کیسز رپورٹ ہوئے جس کے بعدمتاثرہ مریضوں کی تعداد 4 ہزار 365 ہوگئی ہے۔

دوسری جانب گزشتہ روز اسلام آباد میں مزید 3 شہری ڈینگی کے باعث جاں بحق ہوگئے تھے جبکہ 79 نئے کیسز بھی سامنے آئے تھے۔

اس کے علاوہ کراچی کے جناح اسپتال میں 24 گھنٹوں کے دوران 100 سے زائد مشتبہ مریض لائے گئے تھے، سرکاری طور پر 33 مریضوں میں ڈینگی وائرس کی تصدیق ہوئی۔

بشکریہ جنگ