حکومت کی بیساکھیاں ہل چکی ہیں، شیری رحمان کا دعویٰ

پاکستان پیپلز پارٹی کی سینیٹر شیری رحمان نے کہا ہے کہ حکومت بیساکھیوں کے سہارے چل رہی ہے۔ 

سینیٹ اجلاس سے خطاب میں شیری رحمان نے کہا کہ حکومت کی بیساکھیاں ہل چکی ہیں۔

پی ٹی آئی رہنما بابر اعوان نے پی پی سینیٹر کو جواب دیتے ہوئے کہا کہ ہزاروں خواہشیں ایسی کہ ہر خواہش پر دم نکلے، ہم 5 سال گزاریں گے۔

وزیراعظم عمران خان نے ایک بار پھر اپنے اسپورٹس مین جذبے کا اظہار کیا ہے ۔

قائد ایوان سینیٹر ڈاکٹر وسیم شہزاد نے کہا کہ اتحادیوں کے ساتھ بہترین تعلقات ہیں، بیساکھی کی طلب میں تو اپوزیشن گلی گلی پھر رہی ہے، عمران خان کو بیساکھی کی ضرورت نہیں۔

اپوزیشن نے مشاورت کےبغیر پارلیمنٹ کا مشترکا اجلاس طلب کیے جانے پر سینیٹ سے واک آؤٹ کیا۔ کورم پورا نہ نکلنے پر سینیٹ کا اجلاس جمعہ کی صبح ساڑھے 10 بجے تک ملتوی کر دیا گیا۔

بشکریہ جنگ