جماعتِ اسلامی کی دھاندلی کیخلاف درخواست، الیکشن کمیشن میں سماعت مقرر

الیکشن کمیشن نے جماعتِ اسلامی کی کراچی میں دوسرے مرحلے کے بلدیاتی انتخابات میں دھاندلی سے متعلق درخواست پر کیس سماعت کے لیے مقرر کر دیا۔

الیکشن کمیشن آف پاکستان جماعتِ اسلامی کی درخواست پر 23 جنوری کو کیس کی سماعت کرے گا۔

جماعتِ اسلامی نے کراچی کی 6 یونین کونسلز میں دھاندلی اور غلط گنتی کی شکایات کی ہیں۔

جماعتِ اسلامی کراچی کے امیر حافظ نعیم الرحمٰن نے بتا دیا کہ کراچی کے بلدیاتی انتخابات اور ووٹوں کی دوبارہ گنتی میں کس کس طرح دھاندلی کی گئی ہے۔

جماعتِ اسلامی نے الیکشن کمیشن سے ڈسٹرکٹ ریٹرننگ افسر اور ریٹرننگ افسران کے خلاف کارروائی کی درخواست کی ہے۔

بشکریہ جنگ