توہین رسالت پر ہمارے موقف کو پوری دنیا نے سراہا، طاہر اشرفی

وزیراعظم کے نمائندہ خصوصی برائے مذہبی ہم آہنگی حافظ طاہر اشرفی نے کہا ہے کہ توہین رسالت پر پاکستان کے موقف کو پوری دنیا نے سراہا ہے، یورپی یونین کی پاکستان کے خلاف قرارداد حقائق کے برعکس ہے۔

اسلام آباد میں میڈیا سے گفتگو میں حافظ طاہر اشرفی نے کہا کہ گزشتہ کئی ماہ سے جبری مذہب تبدیلی کا ایک کیس سامنے نہیں آیا۔

ذرائع کا کہنا ہے کہ جبری گمشدگی،صحافیوں کے تحفظ ،آزادی اظہار کے قوانین جلد پارلیمنٹ میں لانے کا فیصلہ کیا گیا۔

طاہر اشرفی نے کہا کہ وزیراعظم نے او آئی سی کے سفیروں کی ملاقات میں امت مسلمہ کو متحد کرنے کی ضرورت پر زور دیا، وزیراعظم اسی ہفتے سعودی عرب جائیں گے۔

 حافظ طاہر اشرفی کا کہنا تھا کہ اعتکاف پر وفاقی حکومت نے کوئی پابندی نہیں لگائی، مساجد کو بند نہیں کیا تاہم ایس اوپیز پر عمل کرنا ہوگا۔

بشکریہ جنگ