بینظیر انکم سپورٹ پروگرام کاجھانسہ دےکر لوٹنے والا گروہ گرفتار

گوجرانوالہ پولیس نے بینظیر انکم سپورٹ کا جھانسہ دیکر شہریوں کو لوٹنے والے پانچ رکنی گروہ کو گرفتار کر لیا، گرفتار ملزمان میں ایک خاتون بھی شامل ہے، ملزمان سے لیپ ٹاپ، ٹیلی فون ایکسچینج اور دیگر سامان برآمد ہوا ہے۔

سی پی او سرفراز فلکی کے مطابق پانچ رکنی گروہ کو تھانہ جناح روڈ کے علاقہ سے گرفتار کیا گیا ہے گروہ میں ایک خاتون بھی شامل ہے۔

خاتون ٹیلی فون پر بینظیر انکم اسپورٹ پروگرام میں رجسٹریشن کے بہانے شہریوں سے معلومات لیتی تھی اور پھر اسی معلومات کی مدد سے ملزمان بینک اکاؤنٹ سے رقم ٹرانسفر کر لیتے تھے۔

ملزمان کے خلاف مقدمہ درج کر کے مزید تحقیقات کی جارہی ہیں۔

بشکریہ جنگ