بھکر میں شاعر عاصم تنہا ماموں کے ہاتھوں قتل، متقول کے بھائی کی فائرنگ سے ملزم ہلاک

بھکر میں گھریلو تنازع پر شاعر عاصم تنہا کو قتل کر دیا گیا، پولیس کے مطابق ملزم مقتول شاعر کا ماموں ہے، عاصم تنہا کے بھائی نے فائرنگ کر کے ملزم سمیع کو ہلاک کر دیا۔

پولیس کے مطابق واقعہ نواحی علاقہ چراخ خیل والا میں پیش آیا، جہاں معروف شاعر عاصم تنہا کو ان کے ماموں نے گھر میں فائرنگ کرکے قتل کر دیا۔

واقعہ دونوں میں تلخ کلامی کے بعد پیش آیا، واقعے کے بعد ملزم سمیع کے فرار ہونے کی کوشش کے دوران مقتول عاصم تنہا کے بھائی نے فائرنگ کر دی۔ جس کے نتیجے میں ملزم ہلاک ہوگیا۔ 

عاصم تنہا کا شعری مجموعہ پھر تنہا منظر عام پر آ چکا ہے، جبکہ عاصم تنہا مختلف گانوں کی دھنیں بھی تخیلق کر چکے ہیں۔

بشکریہ جنگ