بھارت نے فیٹف کو سیاست کا نشانہ بنا کر مجروح کیا، حماد اظہر
وفاقی وزیر توانائی حماد اظہر کا کہنا ہے کہ بھارت فیٹف میں تکنیکی پیش رفت اور اسے سیاست کا نشانہ بنا کر مجروح کر رہا ہے۔
سماجی رابطے کی ویب سائٹ ٹوئٹر پر اپنے بیان میں وفاقی وزیر توانائی حماد اظہر نے کہا کہ بھارتی وزیر خارجہ کا بیان اس کی تصدیق کرتا ہے جو پاکستان عرصے سے کہہ رہا ہے۔
حماد اظہر نے کہاکہ ہماری ایف اے ٹی ایف کے حوالے سے پیش رفت کو جھٹلایا نہیں جا سکتا ،پاکستان جلد اپنے دونوں ایکشن پلان مکمل کر لے گا۔
واضح رہے کہ بھارتی وزیر خارجہ نے پاکستان کے خلاف ایف اے ٹی ایف معاملہ سیاسی بنانے کا اعتراف کیا ہے، ان کے بیان نےایف اےٹی ایف میں پاکستان مخالف منفی کردار پر پاکستان کے دیرینہ موقف کی تائید بھی کی ہے۔
ترجمان دفتر خارجہ کے مطابق پاکستان مناسب کارروائی کیلئے ایف اے ٹی ایف کے صدر سے رابطہ کرنے کے حوالے سے غور کر رہا ہے، بھارت کے ایف اے ٹی ایف کے مشترکہ گروپ کے کو چیئر ہونے کے حوالے سے سوالات پیدا ہو گئے ہیں۔
Comments are closed.