بھارتی اقدام کیخلاف صدر، وزیرِ اعظم آزاد کشمیر کا پیغام

مقبوضہ کشمیر پر بھارت کے 5 اگست کے اقدام کو آج 2 برس مکمل ہوگئے، اس موقع پر آزاد جموں و کشمیر کے صدر سردار مسعود خان اور نو منتخب وزیرِ اعظم سردار عبدالقیوم نیازی نے پیغام جاری کیا ہے۔

مقبوضہ کشمیر پر بھارت کے 5 اگست کے اقدام کے آج 2 برس مکمل ہونے پر دفترِ خارجہ سے ریلی نکالی گئی، اس موقع پر کشمیر یکجہتی ریلی کے لیے 1 منٹ کی خاموشی اختیار کی گئی، جبکہ 1 منٹ کے لیے ملک بھر میں ٹریفک بھی روک دیا گیا۔

آزاد جموں و کشمیر کے نو منتخب وزیرِ اعظم سردار عبدالقیوم نیازی کا کہنا ہے کہ بھارت نے 9 لاکھ فوج کے ساتھ کشمیریوں کا محاصرہ کیا ہوا ہے۔

انہوں نے کہا ہے کہ وزیرِ اعظم پاکستان عمران خان کشمیریوں کے سفیر ہیں اور وہ اپنا حق ادا کر رہے ہیں۔

صدرِ مملکت ڈاکٹر عارف علوی کا کہنا ہے کہ 5 اگست کا اقدام واپس لیے جانے تک بھارت سے مذاکرات نہیں کیئے جائیں گے۔

وزیرِ اعظم آزاد کشمیر نے یہ بھی کہا ہے کہ عمران خان ایک جرأت مند اور بہادر شخص ہیں، وہ اس معاملے میں تیزی لائیں گے۔

صدر آزاد کشمیر سردار مسعود خان کا کہنا ہے کہ بھارت کشمیر میں ہندوؤں کو لا کر بسا رہا ہے، کشمیریوں سے ان کی زمینیں چھین رہا ہے۔

بشکریہ جنگ