بڑی مچھلیوں کی اربوں کی بدعنوانی کے ٹھوس ثبوت ہیں، چیئرمین نیب

قومی احتساب بیورو (نیب) کے چیئرمین جسٹس (ر) جاوید اقبال نے کہا ہے کہ نیب کے پاس بڑی مچھلیوں کی اربوں روپے کی بدعنوانی اور منی لانڈرنگ کے ثبوت موجود ہیں۔ 

چیئرمین نیب کا کہنا تھا کہ آٹا اور چینی اسکینڈل کو منطقی انجام تک پہنچایا جائے گا۔

انھوں نے کہا کہ بڑی مچھلیوں کی اربوں روپے کی بدعنوانی اور منی لانڈرنگ کے ٹھوس ثبوت ہیں۔

ان کا کہنا تھا کہ نیب نے احتساب عدالتوں میں بدعنوانی کے 1230 ریفرنس دائر کیے جو زیرِسماعت ہیں۔

چیئرمین نیب کا کہنا تھا کہ وائٹ کالر کرائمز اور اسٹریٹ کرائم میں فرق ہے۔

انھوں نے کہا کہ میگا کرپشن مقدمات کو منطقی انجام تک پہنچانا نیب کی اولین ترجیح ہے۔

چیئرمین نیب کا یہ بھی کہنا تھا کہ بیورو اقوامِ متحدہ کے انسداد بدعنوانی کنونشن کے تحت پاکستان کا فوکل ادارہ ہے۔

انھوں نے کہا کہ پاکستان سارک اینٹی کرپشن فورم کا چئیرمین ہے، اور یہ سارک ممالک کے لیے رول ماڈل کی حیثیت بھی رکھتا ہے۔

چیئرمین نیب کا کہنا تھا کہ نیب نے اب تک 714 ارب روپے قومی خزانے میں جمع کروائے ہیں۔

بشکریہ جنگ