بنگلا دیش کیخلاف پہلے ٹیسٹ کیلئے قومی ٹیم کے 12 کھلاڑیوں کا اعلان

بنگلا دیش کے خلاف پہلے ٹیسٹ میچ کے لیے پاکستان ٹیم نے 12 کھلاڑیوں کا اعلان کردیا ہے۔

چٹاگانگ میں کل سے شروع ہو رہے سیریز کے پہلے ٹیسٹ میچ میں پاکستان نے بنگلا دیش کے خلاف اپنے 12 کھلاڑیوں کا اعلان کردیا ہے، دونوں ٹیموں کے مابین دو میچز پر مشتمل ٹیسٹ سیریز آئی سی سی ورلڈ ٹیسٹ چیمپئن شپ کا حصہ ہے۔

پاکستان کرکٹ ٹیم کے کپتان بابر اعظم کا کہنا ہے کہ بیٹنگ کوچ کی کمی محسوس ہوتی ہے، ٹیسٹ سیریز میں بیٹنگ کوچ ہونا چاہئے تھا لیکن یہ فیصلہ پی سی بی کا ہے۔

پہلا ٹیسٹ میچ پاکستانی وقت کے مطابق کل صبح 9 بجے ظہور احمد چوہدری کرکٹ اسٹیڈیم میں کھیلا جائے گا۔

پہلے ٹیسٹ کیلئے پاکستان کے 12 رکنی اسکواڈ میں کپتان بابر اعظم اور نائب کپتان محمد رضوان کے علاوہ عبداللّٰہ شفیق،عابد علی، اظہر علی، فہیم اشرف، فواد عالم، حسن علی، امام الحق، نعمان علی، ساجد خان اور شاہین شاہ آفریدی شامل ہیں۔

دونوں ٹیموں کے درمیان سیریز کا دوسرا ٹیسٹ 4 دسمبر سے شیر بنگلا کرکٹ اسٹیڈیم ڈھاکا میں شروع ہوگا۔

بشکریہ جنگ