برسلز، کمرشل اسٹریٹ میں فائرنگ، 4 افراد زخمی

بیلجیئم کے دارالحکومت برسلز کی کمرشل اسٹریٹ میں فائرنگ سے یورپی پارلیمنٹ کے ایک اہلکار سمیت 4 افراد زخمی ہوگئے۔

خبر رساں اداروں کے مطابق فائرنگ کے بعد حملہ آور موقع سے فرار ہوگیا جس کی تلاش جاری ہے۔

مقامی میڈیا کے مطابق حملے کی وجہ معلوم نہیں ہوسکی، پولیس نے شہریوں کو خبردار رہنے کی ہدایت کی ہے۔

پولیس کے مطابق واقعے میں دہشت گردی کا کوئی ثبوت نہیں ملا۔

بشکریہ جنگ