اسرائیلی ریزرو فورس کا میجر غزہ میں ہلاک

اسرائیلی ریزرو فورس کا میجر عدی شانی غزہ کے شمال میں حماس سے جھڑپ میں ہلاک ہوگیا۔

فلسطینی میڈیا کے مطابق اسرائیلی فوج نے خان یونس میں حماس کے رہنما یحییٰ سنوار کے خالی مکان کا محاصرہ کیا ہے۔

دوسری جانب اسرائیلی فوجی ترجمان نے دعویٰ کیا ہے کہ خان یونس شہر پر اسرائیلی فوج کا قبضہ ہے۔

اسرائیلی فوجی ترجمان کا کہنا ہے کہ ہمارا کام یحییٰ سنوار تک پہنچنا اور اسے ختم کرنا ہے۔

علاوہ ازیں اسرائیل نے حماس کے 11 میں سے 5 اہم کمانڈرز کو شہید کرنے کا بھی دعویٰ کیا ہے۔

واضح رہے کہ 7 اکتوبر سے اب تک غزہ میں اسرائیلی کارروائیوں کے نتیجے میں 7 ہزار سے زائد بچوں سمیت فلسطینی شہداء کی مجموعی تعداد 16 ہزار سے زائد ہوگئی ہے جبکہ زخمی ہونے والوں کی تعداد بھی 43 ہزار 600 سے تجاوز کرچکی ہے۔

بشکریہ جنگ