بجٹ کے بعد پیٹرولیم مصنوعات کی قیمتوں میں کتنا اضافہ ہوا؟

وفاقی حکومت کے مالی سال 22-2021 کے بجٹ کے بعد حکومت کی جانب سے پٹرولیم مصنوعات کی قیمتوں میں اب تک ہونے والے اضافے کے اعداد و شمار سامنے آگئے۔ 

رواں مالی سال کا بجٹ پیش ہونے کے بعد سے اب تک 3 مرتبہ پیٹرولیم مصنوعات کی قیمتیں بڑھی ہیں۔ 

16 جون سے اب تک پیٹرول کی قیمت میں 9 روپے 53 پیسے فی لیٹر اضافہ ہوچکا ہے۔

وزیراعظم عمران خان نے اوگرا کی سفارشات کے برعکس عوام کو حد درجہ ریلیف فراہم کرنے کا فیصلہ کیا ہے، شہباز گل

اسی دورانیے میں اب تک ڈیزل کی قیمت میں 5 روپے 77 پیسے فی لیٹر اضافہ ہوچکا ہے۔

گزشتہ ماہ 16 جون سے اب تک مٹی کے تیل کی قیمت میں فی لیٹر 7 روپے 14 پیسے فی لیٹر اضافہ ہوا ہے۔

بشکریہ جنگ