باجوڑ اور مہمند کے کچھ علاقوں میں آج عید
قبائلی اضلاع باجوڑ اور مہمند میں 2 عیدیں منانے کی روایت برقرار رہی، کچھ علاقوں میں آج عیدالاضحیٰ منائی جارہی ہے تو دیگر علاقوں میں کل عید منائی جائے گی۔
قبائلی ضلع باجوڑ کی تحصیل ناوگئی اور ماموند میں آج عید الاضحیٰ منائی جا رہی ہے، نمازِ عید ادا کرنے کے بعد جانوروں کی قربانی کا سلسلہ جاری ہے۔
ضلع باجوڑ کے صدر مقام خار، برنگ اور سالار زئی میں کل عید الاضحیٰ منائی جائے گی۔
اسی طرح ضلع مہمند کی تحصیل خویزئی، تحصیل صافی، تحصیل بائزئی صافی اور امبار کے علاقوں میں بھی آج عید الاضحیٰ منائی جا رہی ہے۔
مہمند کی تحصیل یکہ غنڈ ، پڑانگ غار اور ہیڈ کوارٹر غلنئی کے لوگ ملک کے دیگر شہروں کی طرح کل عید الاضحیٰ منائیں گے۔
بشکریہ جنگ
Comments are closed.