ایشین بیس بال چیمپئن شپ: پاکستان نے دوسری کامیابی حاصل کرلی

چائنیز تائپے میں جاری ایشین بیس بال چیمپئن شپ میں پاکستان نے دوسری کامیابی حاصل کرلی۔

ایونٹ کے پہلے راؤنڈ میں 3 میں سے 1 میچ جیتنے والی پاکستان ٹیم نے دوسرے راؤنڈ کے پلیسمنٹ مرحلے کے میچ میں فلسطین کو 3-12 سے شکست دی۔

پاکستان نے اس سے قبل پہلے راؤنڈ کے گروپ میچ میں تھائی لینڈ کو ہرایا تھا۔

فلسطین کے خلاف میچ میں پاکستان کی جانب سے امجد اسلم، عمیر امداد بھٹی اور امان خان نے شاندار پرفارمنس کا مظاہرہ کیا۔

جبران، ذاکر، سمیر اور وسیم نے بھی نمایاں کھیل پیش کیا، پلیسمنٹ راؤنڈ میں پاکستان اگلا میچ ہانگ کانگ کے خلاف کھیلے گا۔

بشکریہ جنگ