ایشیا کپ میں شاندار آغاز پر خوشی ہے، محمد ذیشان

پاکستان انڈر 19 ٹیم کے فاسٹ بولر محمد ذیشان نے کہا ہے کہ خوشی ہے ایشیا کپ میں ہمارا شاندار آغاز ہوا ہے۔

ایک انٹرویو کے دوران محمد ذیشان نے کہا کہ شاہین شاہ آفریدی کے بعد دوسرا بولر ہوں، جس نے انڈر 19 میں 6 کھلاڑیوں کو آؤٹ کیا ہے۔

انڈر-19 ایشیا کپ کے دوسرے میچ میں نیپال نے پاکستان انڈر 19 کو جیت کے لیے 153رنز کا ہدف دیا ہے۔

انہوں نے کہا کہ انڈر 19 ایشیا کپ میں تینوں شعبوں میں اچھا پرفارم کیا ہے، ہمارا آغاز ایونٹ میں شاندار ہوا ہے۔

فاسٹ بولر نے مزید کہا کہ کوچز نے کہا تھا کہ گڈ لینتھ پر بولنگ کرو اچھا رزلٹ ملے گا، اس میچ سے مجھے اور ٹیم کے ہر پلیئر کو اعتماد ملا ہے۔

محمد ذیشان نے یہ بھی کہا کہ میچ سے قبل کوچز نے یہی کہا تھا کہ پریشر نہ لیں اور گراونڈ میں سو فیصد دینا ہے۔

بشکریہ جنگ