اپنی سرزمین پر تاریخی سیریز کیلئے تیار ہیں، بابر اعظم

پاکستان کرکٹ ٹیم کے کپتان بابراعظم نے کہا ہے کہ اپنی سرزمین پر تاریخی سیریز کے لیے تیار ہیں۔ 

مائیکرو بلاگنگ ویب سائٹ ٹوئٹر پر بابر اعظم نے اپنی پریکٹس کرتے ہوئے ویڈیو شیئر کی۔ 

انہوں نے ویڈیو شیئر کرتے ہوئے عنوان لکھا کہ اپنی سرزمین پر ایک اور تاریخی سیریز کے لیے تیار ہیں۔ 

ویڈیو میں قومی ٹیم کے کپتان گراؤنڈ میں بیٹنگ کی پریکٹس کر رہے ہیں اور اس دوران جارحانہ اسٹروکس بھی کھیلتے نظر آرہے ہیں۔

پاکستانی کرکٹ ٹیم کے کھلاڑیوں نے مداحوں کے ساتھ تصاویر بنانے کے ساتھ ساتھ انہیں آٹو گراف بھی دیے، جسے دیکھ کر مداح کافی خوش نطر آئے۔

واضح رہے کہ پاکستان کے خلاف ٹیسٹ سیریز کھیلنے کے لیے انگلینڈ کی ٹیم اسلام آباد پہنچ گئی ہے۔

دونوں ٹیموں کے درمیان پہلا ٹیسٹ میچ یکم دسمبر سے راولپنڈی میں کھیلا جائے گا۔

انگلینڈ کی کرکٹ ٹیم آج آرام اور کل سے پریکٹس کا آغاز کرے گی۔

پاکستان کا ٹیسٹ اسکواڈ بھی آج آرام اور کل سے پنڈی کرکٹ اسٹیڈیم میں پریکٹس کرے گا۔

بشکریہ جنگ