میں نے سچن ٹنڈولکر کے بلے سے تیز ترین سنچری کی تھی، شاہد آفریدی

پاکستان کرکٹ ٹیم کے سابق کپتان شاہد آفریدی کی تھائی لینڈ کے ریسٹورنٹ میں بھارتی کرکٹ مداحوں سے گفتگو ہوئی، شاہد آفریدی نے بھارتی کرکٹ مداحوں کے ساتھ تصاویر بھی بنوائیں۔

شاہد آفریدی نے بھارتی مداحوں سے پسندیدہ کرکٹرز پوچھے، بھارتی مداحوں نے دھونی، ٹنڈولکر، کوہلی کو پسندیدہ کرکٹرز کہا۔

ایک بھارتی مداح نے شاہد آفریدی کو ان کی تیز ترین سینچری کی یاد دلائی، جس کے جواب میں شاہد آفریدی نے کہا کہ میں نے سچن ٹنڈولکر کے بلے سے تیز ترین سنچری کی تھی۔

شاہد آفریدی نے کہا کہ آج بھی سچن ٹنڈولکر کا بلا میرے پاس موجود ہے۔

سابق کپتان پاکستان کرکٹ ٹیم نے کہا کہ ہم ملک کے سفیر ہوتے ہیں، ہمارے لیے سب انسان برابر ہونے چاہییں۔

بشکریہ جنگ