آسٹریلوی فاسٹ بولر جنوبی افریقا کیخلاف ٹیسٹ سیریز سے باہر

آسٹریلوی فاسٹ بولر جوش ہیزل ووڈ جنوبی افریقا کے خلاف ہونے والی ٹیسٹ سیریز سے باہر ہو گئے۔

آسٹریلوی میڈیا کے مطابق آسٹریلیا کی ٹیسٹ ٹیم کے کپتان پیٹ کمنز کے جنوبی افریقا کے خلاف پہلا ٹیسٹ کھیلنے کا امکان ہے۔

پیٹ کمنز فٹنس مسائل کے باعث ویسٹ انڈیز کے خلاف دوسرا ٹیسٹ نہیں کھیل سکے تھے۔

آسٹریلیا کی ٹیسٹ کرکٹ ٹیم کے کپتان پیٹ کمنز فٹنس مسائل کا شکار ہو گئے، ان کے بیک اپ کے لیے اسکواڈ میں دو فاسٹ بولرز کو طلب کر لیا گیا۔

آسٹریلیا اور جنوبی افریقا کے درمیان پہلا ٹیسٹ ہفتے سے برسبین میں شروع ہو گا۔

آسٹریلوی سلیکشن کمیٹی کے چیئرمین جارج بیلی کا کہنا ہے کہ پیٹ کمنز کی فٹنس بہتر ہو رہی ہے، پہلا ٹیسٹ کھیلنے کا امکان ہے۔

جارج بیلی نے کہا کہ فاسٹ بولر جوش ہیزل ووڈ کو فٹ ہونے کے لیے وقت درکار ہے۔

ان کا کہنا ہے کہ اسکاٹ بولینڈ، مائیکل نیسر اور لانس مورس کو ٹیسٹ اسکواڈ میں برقرار رکھا گیا ہے۔

بشکریہ جنگ