انجکشن سے بینائی جانے کی تحقیقاتی رپورٹ وزیر اعلیٰ پنجاب کو بھجوا دی گئی
انجکشن سے شوگر کے مریضوں کی بینائی جانے کی تحقیقاتی رپورٹ وزیر اعلیٰ پنجاب کو بھجوا دی گئی۔
پنجاب کے نگراں وزیر صحت جاوید اکرم کا کہنا ہے کہ انجکشن ٹھیک تھا، ری پیکجنگ ٹھیک نہیں تھی، کولڈچین بھی برقرار نہیں رکھی گئی۔
انہوں نے کہا کہ معاملے پر انجکشن بنانے والی کمپنی کو غلط کہنا ٹھیک نہیں، انجکشن کینسر کے مریضوں کے لیے 20 سال سے استعمال ہو رہا ہے، آنکھوں کے انفیکشن کے بعد دوا کا جو اسٹاک روکا گیا تھا اسے ریلیز کرنے کا فیصلہ کیا ہے۔
واضح رہے کہ گزشتہ ماہ پنجاب کے مختلف شہروں میں غیر معیاری انجکشن سے متعدد مریضوں کی بینائی متاثر ہوگئی تھی۔
ماہر امراض چشم ڈاکٹر اسد اسلم کا کہنا تھا کہ جعلی انجکشن سے شوگر کے مریضوں کی آنکھوں کے پردے متاثر ہوئے جبکہ انفیکشن سے 12 افراد کی بینائی ضائع ہوگئی ہے۔
بشکریہ جنگ
Comments are closed.