انتخابات میں پارٹی امیدواروں کے ٹکٹ کا ابھی فیصلہ نہیں ہوا، مریم اورنگزیب

پاکستان مسلم لیگ (ن) کی ترجمان مریم اورنگزیب نے انتخابات میں امیدواروں کو ٹکٹ دینے سے متعلق وضاحت کردی۔

سوشل میڈیا پر اپنے پیغام میں مریم اورنگزیب نے کہا کہ پاکستان مسلم لیگ(ن) نے 8 فروری 2024 کو عام انتخابات میں پارٹی امیدواروں کے ٹکٹ کا ابھی فیصلہ نہیں کیا۔

مریم اورنگزیب نے کہا کہ کسی ضلع یا کسی حلقے میں کسی کو ابھی پارٹی ٹکٹ نہیں دیا گیا۔ 

انہوں نے کہا کہ پارلیمانی بورڈ کے اجلاس جاری ہیں، جب یہ عمل مکمل ہوجائے گا تو پارٹی قائد نواز شریف اور صدر شہباز شریف کی منظوری سے پارٹی ٹکٹ حاصل کرنے و الے امیدواروں کا باضابطہ اعلان کیا جائے گا۔

بشکریہ جنگ