انتخابات میں دھاندلی کا الزام، کشمیر اسمبلی گیٹ پر دھرنا
آزاد کشمیر کے انتخابات میں مسلم کانفرنس کی جانب سے حلقہ ایل اے 31 مظفر آباد 5 کی نشست پر مبینہ دھاندلی کا الزام لگایا گیا ہے اور اس سلسلے میں اس کے کارکنوں نے احتجاجاً دھرنا دے دیا ہے۔
مسلم کانفرنس کے امید وار راجہ ثاقب مجید کی اپیل پر اسمبلی کے گیٹ پر مسلم کانفرنس کے کارکنوں کی جانب سے دھرنا دیا گیا ہے۔
مظاہرین نے دارالحکومت مظفر آباد میں اسمبلی جانے والے مرکزی راستے کو احتجاجاً بند کر دیا ہے۔
مظاہرین نے مظفر آباد تا اسلام آباد مرکزی شاہراہ بھی ٹریفک کے لیئے بند کر دی۔
اسمبلی میں آج مخصوص نشستوں کے لیئے کاغذاتِ نامزدگی جمع کروائے جانے ہیں۔
مظاہرے کے باعث پولیس کی بھاری نفری کسی بھی ناخوش گوار واقعے سے نمٹنے کے لیے اسمبلی گیٹ کے سامنے موجود ہے۔
مسلم کانفرنس کے امیدوارِ اسمبلی راجہ ثاقب مجید اور ضلعی انتظامیہ کے درمیان مذاکرات جاری ہیں۔
کمشنر مظفر آباد تہذیب النساء اور ڈی آئی جی شہر یار سکندر بھی موجود ہیں۔
Comments are closed.