امریکی وزیر خارجہ رواں ہفتے چین جائیں گے

امریکی وزیر خارجہ انٹونی بلنکن دو روزہ دورے پر اس ہفتے چین جائیں گے۔

غیرملکی میڈیا کے مطابق امریکا اور چینی حکام کے درمیان دوطرفہ تعلقات اور مسائل پر بھی گفتگو ہوگی۔

امریکی سیکریٹری خارجہ کے مجوزہ دورہ چین سے قبل دونوں وزرا کے درمیان ٹیلیفون پر بات چیت ہوئی۔

امریکی وزیر خارجہ کی چینی ہم منصب سے ملاقات فروری میں ہونا تھی جو معطل کردی گئی تھی۔

انٹونی بلنکن نے چینی جاسوس غبارے کے تنازع کے بعد فروری میں بیجنگ کا دورہ منسوخ کر دیا تھا۔

بشکریہ جنگ