اماراتی خلاء باز نے خلاء سے دبئی کا خوبصورت نظارہ کرا دیا

رواں سال دنیا کا سب سے مقبول سیاحتی مقام بننے والے متحدہ عرب امارات کے ساحلی شہر دبئی کی خلاء سے ایک خوبصورت تصویر سوشل میڈیا پر شیئر کی گئی ہے۔

اماراتی خلاء باز سلطان النیادی نے مائیکرو بلاگنگ ویب سائٹ ٹوئٹر پر خلاء سے لی گئی ایک تصویر شیئر کی ہے۔

اس تصویر میں خلاء سے دبئی کا ایک انتہائی خوبصورت منظر دیکھا جا سکتا ہے۔

اُنہوں نے اس تصویر کو شیئر کرتے ہوئے کیپشن میں لکھا ہے کہ ’میرا دبئی ستاروں کی طرح چمک رہا ہے‘۔

اس تصویر میں دبئی کا مشہور جزیرہ  پام جمیرہ اور شہر کے دیگر رہائشی علاقے بھی جگمگاتے ہوئے نظر آ رہے ہیں۔

واضح رہے کہ متحدہ عرب امارات سے تعلق رکھنے والے عرب دنیا کے پہلے خلاء باز سلطان النیادی اس وقت بین الاقوامی خلائی اسٹیشن کے 6 ماہ کے خلائی مشن پر ہیں۔

بشکریہ جنگ