افغان کرکٹ ٹیم ورلڈ کپ میں شرکت کیلئے بھارت پہنچ گئی

افغانستان کرکٹ ٹیم ورلڈ کپ میں شرکت کے لیے بھارت پہنچ گئی۔

اس سے قبل بھارت روانگی سے پہلے افغانستان کرکٹ بورڈ کے ڈائریکٹر جنرل نے کھلاڑیوں کے ساتھ میٹنگ کی تھی جس میں طالبان کے اہم رہنما انس حقانی نے بھی شرکت کی تھی۔

غیر ملکی میڈیا کے مطابق اس موقع پر ورلڈ کپ میں اچھی کارکردگی کے لیے خصوصی دعا بھی کروائی گئی تھی۔

کرکٹ ورلڈکپ میں شرکت کے لیے بھارت جانے سے قبل افغان کرکٹرز سے اہم طالبان لیڈر انس حقانی نے ملاقات کی ہے۔

واضح رہے کہ افغانستان کرکٹ ٹیم جمعے کو جنوبی افریقا کے خلاف پہلا وارم اپ میچ کھیلے گی۔

یاد رہے کہ ورلڈ کپ کا باقاعدہ آغاز 5 اکتوبر کو دفاعی چیمپئن انگلینڈ اور نیوزی لینڈ کے درمیان میچ سے ہو گا جو احمد آباد میں شیڈول ہے۔

بشکریہ جنگ