اسلام آباد ہائیکورٹ کے جسٹس محسن اختر کیانی کورونا کا شکار

اسلام آباد ہائی کورٹ کے جسٹس محسن اختر کیانی اسٹاف ممبرز سمیت کورونا وائرس کا شکار ہوگئے۔

عدالتی ذرائع کے مطابق جسٹس محسن اختر کیانی نے کورونا کے باعث خود کو قرنطینہ کر لیا ہے۔

احتساب عدالت اسلام آباد کے جج محمد بشیر کا عملہ عالمی وبا کورونا وائرس کا شکار ہوگیا۔

ذرائع کا کہنا ہے کہ جسٹس کیانی کی کورٹ کے تمام کیسز کی کاز لسٹ منسوخ کردی گئی ہیں جبکہ کورٹ روم ڈس انفیکٹ کرایا گیا۔ 

جسٹس محسن اختر کیانی کے اسٹاف ممبر افتخار، ریڈر مدثر ریاض ، کلرک طاہر محمود، نائب کورٹ جعفر شاہ اور نائب قاصد بھی کورونا میں مبتلا ہوگئے ہیں۔

جسٹس قاضی فائز عیسیٰ اور اہلیہ کا کورونا ٹیسٹ مثبت آگیا۔

جسٹس بابر ستار کے ریڈر روحان اور کلرک عدنان منظور کی کورونا رپورٹس بھی مثبت آئی ہیں۔

بشکریہ جنگ