اسلام آباد: بہن بھائی پر تشدد کرنیوالے 2 پولیس اہلکار معطل
وفاقی دارالحکومت اسلام آباد کے علاقے آبپارہ میں نو عمر بہن بھائی پر تشدد کرنے والے 2 پولیس اہلکاروں کو معطل کر دیا گیا۔
اسلام آباد پولیس کے ترجمان نے آبپارہ میں نو عمر بہن بھائی پر تشدد کرنے والے دونوں اہلکاروں کو معطل کیئے جانے کی تصدیق کی ہے۔
اسلام آباد پولیس کے ترجمان کا کہنا ہے کہ متعلقہ ایس ڈی پی او اس واقعے کی شفاف انکوائری کر رہے ہیں۔
دوسری جانب تشدد کا نشانہ بننے والے بہن بھائی کے والد کا کہنا ہے کہ پولیس اہلکاروں نے ان کے بیٹے احسن حسین کو موٹر سائیکل سے پیٹرول نکالنے کا الزام لگا کر تشدد کا نشانہ بنایا۔
انہوں نے یہ بھی بتایا کہ بھائی کو چھڑوانے کے لیے بہن آئی تو پولیس اہلکاروں نے اسے بھی تشدد کا نشانہ بنایا۔
بشکریہ جنگ
Comments are closed.