بدھ14؍شوال المکرم 1442ھ26؍مئی 2021ء

اسامہ ستی قتل کیس میں گرفتار اہلکار ضمانت پر رہا

اسلام آباد ہائی کورٹ نے اسامہ ستی قتل کیس میں گرفتار پولیس اہلکار مدثر مختار کو ضمانت پر رہا کرنے کا حکم دے دیا۔

جسٹس طارق محمود جہانگیری نے کیس کا فیصلہ سنایا ، 2 لاکھ روپے کے ضمانتی مچلکوں کے عوض گرفتار پولیس اہلکار مدثر مختار کی ضمانت منظور کی اور فوری رہا کرنے کا حکم دیا۔

واضح رہے کہ جنوری میں اسامہ ستی نامی طالبعلم پولیس فائرنگ سے جاں بحق ہوا تھا، کیس میں 4 پولیس اہلکار تاحال اڈیالہ جیل میں قید ہیں۔

انسداد دہشت گردی عدالت نے مقدمہ سیشن کورٹ بھیج دیا تھا، جبکہ دیگر ملزمان کے خلاف ٹرائل ڈسٹرکٹ اینڈ سیشن کورٹ میں جاری ہے۔

بشکریہ جنگ
You might also like

Comments are closed.