آزاد کشمیر میں ن لیگ ہارنے جارہی ہے، شیخ رشید

وفاقی وزیر داخلہ شیخ رشید احمد نے کہا ہے کہ آزاد کشمیر میں پاکستان مسلم لیگ (ن) ہارنے جارہی ہے۔ 

شیخ رشید احمد نے بگل بجادیا اور کہا کہ سول اداروں کے ساتھ آرمی بھی فری اور فیئر الیکشن کرانے میں کردار ادا کرے گی۔

علی امین گنڈاپور نے کہا کہ ان لوگوں نے پاکستان سے پیسا لوٹا اور کہا یہ ہماری جائیداد نہیں، مودی ہمارے لوگوں کو شہید کررہا ہے اور تم اس کو شادی میں بلاتے ہو۔

انھوں نے کہا کہ فوج نہ کھڑی ہو تو لوگ الیکشن ڈبے اٹھا کر لے جائیں، آزاد کشمیر کے الیکشن میں فوج پولنگ اسٹیشن کے اندر تعینات نہیں ہورہی۔

ان کا کہنا تھا کہ آزاد کشمیر میں مسلم لیگ (ن) ہارنے جارہی ہے، مریم نواز کو دھرنے کی خواہش ہورہی ہے، پی ڈی ایم دھرنے کی تیاری رکھے۔

وزیر داخلہ نے کہا کہ ان کے پاس مریم نواز اور شہباز شریف کی جانب سے ای سی ایل سے نام نکلوانے کی کوئی درخواست نہيں آئی۔

وفاقی وزیرِ اطلاعات و نشریات فواد چوہدری کا کہنا ہے کہ بلاول بھٹو زرداری کشمیر کی انتخابی مہم چھوڑ کر فرار ہو چکے، بہت جلد مریم نواز بھی کشمیر میں الیکشن مہم سے راہِ فرار اختیار کر لیں گی۔

ان کا کہنا تھا کہ خطے کے حالات تحریک انصاف کی حکومت بننے کے متقاضی ہیں۔

انھوں نے بتایا کہ بھارت کے لوگ پکڑے گئے جو انتشار پھیلانا چاہتے تھے، افواج پاکستان نے بھارت کے ناپاک عزائم کو ہمیشہ شکست دی۔

بشکریہ جنگ