آئی جی پی KPK نے شمالی وزیرستان فائرنگ واقعے کا نوٹس لے لیا
آئی جی پی خیبرپختونخوا ثناء اللّہ عباسی نے شمالی وزیرستان میں سماجی کارکن خواتین کی گاڑی پر فائرنگ واقعے کا نوٹس لے لیا۔
آئی جی پی ثناء اللّہ عباسی نے ڈی پی او شمالی وزیرستان سے واقعے کی رپورٹ طلب کرلی ہے۔
اُنہوں نے کہا کہ پولیس کو ملزمان کو فوری طور پر گرفتار کرنے کا حکم دیا ہے۔
آئی جی پی ثناء اللّہ عباسی نے مزید کہا کہ واقعے میں ملوث افراد کو قرار واقعی سزا دی جائے گی۔
واضح رہے کہ شمالی وزیرستان میں دہشت گردوں کے حملہ میں غیر سرکاری تنظیم کی 4 خواتین سماجی کارکن جاں بحق ہوگئیں جبکہ ڈرائیور زخمی ہوگیا۔
دہشت گردی کے واقعہ میں ایک خاتون خوش قسمتی سے بچ گئی۔
مقامی پولیس کے مطابق فائرنگ ایپی گاؤں کے قریب این جی او کی گاڑی پر کی گئی۔
بشکریہ جنگ
Comments are closed.