منگل یکم شعبان المعظم 1442ھ 16؍مارچ 2021ء

ویکسین اثر دکھا رہی ہے، اموات کم ہوگئیں، برطانوی وزیر صحت

برطانوی وزیر صحت میٹ ہینکاک نے کہا ہے کہ پیر سے اسکولز اور کیئر ہومز میں ایک عزیز سے ملنے کی اجازت ہوگی۔ 

لندن میں سوسن ہاپکنز کے ہمراہ پریس بریفنگ میں انھوں نے کہا کہ ویکسین کام کررہی ہے، کورونا وائرس سے ہونے والی اموات کم ہوگئی ہیں۔ میٹ ہینکاک کے مطابق اکتوبر کے بعد اسپتال میں داخلے کی شرح کم ترین سطح پرآگئی ہے۔

اسپتالوں میں داخل افراد کی تعداد 12,136 ہے، یہ تعداد زیادہ ہے۔ ڈیٹا درست سمت میں جانے کی تصدیق کررہا ہے۔ ڈیٹا کی بنیاد پر ہی پابندیاں اٹھائی جائیں گی۔ 

برطانوی وزیر صحت نے مزید بتایا کہ بچوں اور نوجوانوں کی ذہنی صحت کے لئے اضافی 79 ملین پاؤنڈ دیئے جائیں گے۔ 

انھوں نے کہا کہ این ایچ ایس ورکرزکی تنخواہ میں ایک فیصد اضافہ حالات کے مطابق ہے۔

بشکریہ جنگ
You might also like

Comments are closed.