علیم ڈار نے کوہلی کو دُنیائے کرکٹ کا لیجنڈ قرار دیدیا

پاکستان کے عالمی شہرت یافتہ امپائر علیم ڈار نے بھارتی ٹیم کے کپتان اور ون ڈے کرکٹ کے دوسرے مایہ ناز بلے باز ویرات کوہلی کو دُنیائے کرکٹ کا لیجنڈ قرار دے دیا۔

امپائر علیم ڈار نے اپنے آفیشل ٹوئٹر اکاؤنٹ پر بھارتی کرکٹ ٹیم کے کپتان ویرات کوہلی کے ہمراہ اپنی سیلفی شیئر کی ہے۔

ٹوئٹر پر شیئر کی گئی سیلفی میں ویرات کوہلی اور امپائر علیم ڈار کافی خوش نظر آرہے ہیں۔

علیم ڈار نے تصویر کے کیپشن میں ویرات کوہلی سے مخاطب ہوتے ہوئے لکھا کہ ’کرکٹ کی دُنیا کے لیجنڈ کے ساتھ۔‘

قومی کرکٹ ٹیم کے کپتان اور آئی سی سی ون ڈے انٹرنیشنل پلیئرز رینکنگ میں پہلے نمبر پر موجود بیٹسمین بابراعظم نے کہا ہے کہ اُن کا اگلا ہدف اپنی اس درجہ بندی کو برقرار رکھنا ہے۔

امپائر علیم ڈار کے اس ٹوئٹ پر پاکستان اور بھارت کے ٹوئٹر صارفین کی جانب سے مثبت ردعمل دیے جارہے ہیں۔

ایک صارف نے لکھا کہ ’لیجنڈری کرکٹر اور لیجنڈری امپائر۔‘

مادھو پٹیل نامی صارف نے کہا کہ ’ایک فریم میں دو بہترین شخصیت۔‘

واضح رہے کہ حال ہی میں کپتان بابر اعظم نے ویرات کوہلی کو پیچھے چھوڑتے ہوئے نمبر ون پوزیشن پر قبضہ جما لیا ہے۔

بھارتی کرکٹ ٹیم کے کپتان ویرات کوہلی اکتوبر2017 سے آئی سی سی ون ڈے رینکنگ میں پہلی پوزیشن پر تھے۔

ون ڈے کرکٹ کے نمبر ون بلے باز اور قومی کرکٹ ٹیم کے کپتان بابر اعظم نے کہا ہے کہ پاکستان نے جنوبی افریقہ کے خلاف ٹی ٹوئنٹی سیریز جیت کر تاریخ رقم کردی۔

آئی سی سی نے گزشتہ دنوں ہی کھلاڑیوں کی نئی ون ڈے رینکنگ جاری کی جس کے مطابق بیٹنگ فہرست میں پاکستانی کپتان بابر اعظم کا پہلا نمبر جبکہ ویرات کوہلی دوسرے نمبر پر چلے گئے۔

بشکریہ جنگ