فواد چوہدری نے وزیراعلیٰ سندھ کو مہنگائی کا ذمے دار قرار دیدیا

وفاقی وزیر اطلاعات و نشریات فواد چوہدری نے مہنگائی کا ذمے دار وزیراعلیٰ سندھ سید مراد علی شاہ کو قرار دے دیا ہے۔

کابینہ اجلاس کے بعد میڈیا بریفنگ میں فواد چوہدری نے سندھ حکومت بروقت فیصلے نہیں کرتی جس کے باعث عوام بحران کا شکار ہوجاتی ہے۔

انہوں نے کہا کہ بدقسمتی سے دیگر شہروں کی نسبت کراچی میں آٹے اور چینی کی قیمتیں زیادہ ہیں۔

وزیراعظم عمران خان نے کہا ہے کہ ہمارے پاس اتنا پیسہ نہیں کہ ملک چلاسکیں، قرض لینا پڑتا ہے۔

وفاقی وزیر نے مزید کہا کہ اٹھارویں ترمیم کے بعد وفاق صرف پالیسی دے سکتاہے، صوبائی حکومتوں نے اس پر عمل کرنا۔

اُن کا کہنا تھا کہ اگلے پندرہ روز میں چینی کی قیمت کم ہوکر 85 روپے فی کلو تک آجائے گی جبکہ کراچی میں چینی اس وقت 107 روپے کلو میں مل رہی ہے۔

وزیراعظم عمران خان کے مشیر برائے امور خزانہ شوکت ترین نے کہا ہے کہ ٹریک اینڈ ٹریس سسٹم سے ٹیکس چوری کا سدباب ہوگا۔

فواد چوہدری نے یہ بھی کہا کہ تیل، بجلی کی قیمتوں میں اضافے کا سامنا ہے تاہم ٹماٹر پیاز اور ادرک کی قیمتوں میں کمی آئی ہے۔

انہوں نے وزیراعلیٰ سندھ کو مہنگائی کا ذمے دار قرار دیتے ہوئے کہا کہ ہم 700 ملین کی گندم امپورٹ کررہے تھے تو سندھ حکومت نے کہا کہ اُن کی گندم چوری ہوگئی ہے۔

وفاقی کابینہ کے اجلاس کے دوران وزراء نے وزیراعظم عمران خان سے الیکشن کمیشن سے متعلق پالیسی پر نظر ثانی کی درخواست کردی۔

وفاقی وزیر نے کہا کہ ان چیزوں پر ہمیں سنجیدگی سے دیکھنا پڑے گا، اگر سندھ حکومت نے کارروائی نہ کی تو وفاق پر اقدام اٹھائے گا۔

اُن کا کہنا تھاکہ وفاق نے کارروائی کی تو پھر چیخیں سات آسمانوں تک جائیں گی، اس لیے مراد شاہ صاحب سے گزار ش ہے وہ خود کوان لائن آف دی ڈیوٹی کریں۔

بشکریہ جنگ