سوری پاکستان، ہم نے پوری کوشش کی تھی، شاداب خان

پاکستان کرکٹ ٹیم کے نائب کپتان شاداب خان نے کہا ہے کہ ہم نے بہترین کھیل پیش کرنے کی پوری کوشش کی تھی، مگر سیمی فائنل نہیں جیت سکے جس پر قوم سے معذرت خواہ ہیں۔

اپنے ٹوئٹر پیغام میں شاداب خان نے کہا کہ ٹورنامنٹ کے دوران سپورٹ پر تمام فینز کا شکریہ ادا کرتے ہیں، مجھے اس ٹیم پر فخر ہے، ہم آئندہ سیریز کے لئے باؤنس بیک کریں گے۔

شاداب خان نے کہا کہ بابر اعظم کا شکریہ کہ انہوں نے ٹیم کو فرنٹ سے لیڈ کیا، محمد رضوان کا بھی شکریہ جو فائٹر کی طرح سامنے رہے، شعیب ملک، محمد حفیظ نے رہنمائی کی، آصف، شاہین نے ٹورنامنٹ میں جان ڈالی۔

محمد آصف نے کہا کہ حسن علی بالکل آؤٹ آف فارم تھا اس کو بار بار کھیلاؤ گے تو وہ بیچارہ اس طرح کی صورت حال میں پریشر برداشت نہیں کرسکےگا۔

نائب کپتان پاکستان کرکٹ ٹیم نے کہا کہ حارث رؤف نے دنیا کو پاکستان کا ٹیپ بال کلچر دکھادیا، سرفراز احمد نے بھی بہت رہنمائی فراہم کی۔

شاداب خان نے کہا کہ ہم اگلے ورلڈکپ کے لیے ابھی سے تیاریاں شروع کریں گے اور آپ لوگوں کی سپورٹ سے دوبارہ بہتر کھیلنے کی کوشش کریں گے۔

بشکریہ جنگ