نوٹیفکیشن سے پہلے خبر آنا وزیراعظم کو شاید ناگوار گزرا، اعجاز اعوان

دفاعی تجزیہ کار اعجاز اعوان نے کہا ہے کہ نوٹیفکیشن سے پہلے خبر کا آنا وزیراعظم عمران خان کو شاید ناگوار گزرا ہے۔

جیو نیوز کے پروگرام کیپٹل ٹاک میں گفتگو کے دوران اعجاز اعوان نے کہا کہ ڈی جی آئی ایس آئی کی تقرری پر وزیراعظم اور آرمی چیف میں کوئی ابہام نہیں۔

انہوں نے کہا کہ ڈی جی آئی ایس آئی کی تعیناتی وزیراعظم کی مشاورت سے ہی ہوتی ہے۔

قومی اسمبلی میں چیف وہپ عامر ڈوگرنے کہا ہے کہ وزیراعظم عمران خان چاہتے تھے کہ لیفٹیننٹ جنرل فیض حمید مزید کچھ ماہ عہدے پر رہیں۔

انہوں نے کہا کہ ان کے خیال میں ڈی جی آئی ایس آئی کی تقرری کا نوٹیفکیشن جاری ہونے سے پہلے خبر کا آجانا وزیراعظم کو ناگوار گزرا ہے۔

بشکریہ جنگ