وفاقی کابینہ اجلاس کی اندرونی کہانی سامنے آگئی
وزیراعظم عمران خان کی زیر صدارت وفاقی کابینہ اجلاس کی اندرونی کہانی سامنے آگئی۔
ذرائع کے مطابق وزیراعظم نے دوران اجلاس نیوزی لینڈ اور انگلینڈ کرکٹ ٹیموں کے دوروں کی منسوخی پر وزیر داخلہ شیخ رشید اور وزیر اطلاعات فواد چوہدری کو الگ الگ ہدایات دیں۔
انہوں نے ملک مہنگائی کنٹرول کرنے اور ووٹنگ مشین پر کام کو اور تیز کرنے کی ہدایت بھی کی۔
ذرائع کے مطابق وزیراعظم عمران خان کا کہنا تھا کہ ووٹنگ مشین پر پارلیمنٹ اور کابینہ کے فیصلوں پر عملدرآمد ہونا چاہیے۔
دوران اجلاس ووٹنگ مشین سے متعلق الیکشن کمیشن آف پاکستان (ای سی پی) کے اعتراضات پر بھی بات ہوئی۔
ذرائع کے مطابق وزیراعظم نے کہا کہ کونسی اشیاء، کیوں مہنگی ہوئیں اس حوالے سے عوام کو باخبر رکھنا ضروری ہوگیا ہے۔
عمران خان نے مزید کہا کہ اشیائےخورونوش کی قیمتیں بڑھانے سے پہلے عوام کو حقائق بتائےجائیں۔
ذرائع کے مطابق دوران اجلاس وزیر خزانہ شوکت ترین نے بریفنگ دی کہ ڈالر ریٹ بڑھنے کا کئی چیزوں پر اثر پڑا ہے، جسے کنٹرول کررہے ہیں۔
وزیر نیشنل فوڈ سیکیورٹی فخر امام نے کابینہ اجلاس میں بریفنگ دی اور بتایا کہ پوری دنیا میں فوڈ آئٹمز کی قیمتیں بڑھی ہیں۔
فخر امام نے بتایا کہ خریف کی فصلیں 20 فیصد زیادہ آئیں گی، چاول، گنا، کپاس کی فضل اور سبزیاں وغیرہ معمول سے زیادہ تیار ہوں گی۔
ذرائع کے مطابق کابینہ اجلاس میں نئے ٹرانس ریل ٹریک، پشاور، کابل، جلال آباد، مزار شریف اور تاشقند پر بھی بریفنگ دی گئی۔
Comments are closed.