کورونا ویکسین سے کوئی بڑا ری ایکشن نہیں ہوسکتا، ڈاکٹر ندیم

ڈائریکٹر ہیلتھ کراچی ڈاکٹر ندیم شیخ نے کہا ہے کہ عالمی ادارہ صحت کے مطابق کورونا کے خلاف ویکسین سے کوئی خاص یا بڑا ری ایکشن نہیں ہوسکتا، ویکسین لگنے کے بعد بعض لوگوں کو ایک سے دو روز بخار آ سکتا ہے۔

ڈاکٹر ندیم شیخ کا کہنا ہے کہ سرخ دانے، آنکھ اور ناک سے پانی بہنا اور درد بھی ہوسکتا ہے، جن افراد میں اینٹی باڈیز بنی ہوئی ہیں انہیں ویکسین کی ضرورت نہیں۔

انہوں نے کہا کہ جن افراد کا کورونا کا ٹیسٹ منفی آیا ہے وہ ویکسین لگوا سکتے ہیں۔

ملک میں کورونا وائرس سے مزید چھپن افراد انتقال کر گئے جبکہ مزید 1384 نئے مریض سامنے آئے۔ 

بشکریہ جنگ