غلط آپریشن سے 16 افراد کی ایک آنکھ کی بینائی ختم ہونے کے معاملہ کی تحقیقات مکمل

ملتان کے ٹرسٹ اسپتال میں سولہ افراد کے آپریشن کے بعد بینائی ختم ہونے کی تحقیقات مکمل کرلی گئی۔

اسپتال انتظامیہ پر 5 لاکھ روپے کا جرمانہ عائد کردیا گیا، ڈاکٹر کا پرائیویٹ کلینک بھی سیل کردیا۔

سرجن ڈاکٹر حسنین کے خلاف فوج داری کارروائی کرنے کی بھی تجویز دی گئی ہے۔

سولہ افراد کی بینائی ضائع کرنے پر صرف پانچ لاکھ روپے جرمانہ کیا گیا؟ ملتان میں غلط آپریشن سے 16 افراد کی ایک آنکھ کی بینائی ختم ہونے کے معاملہ کی تحقیقات مکمل کرکے نجی اسپتال کی انتظامیہ کو 5 لاکھ روپے جرمانہ کیا گیا ہے۔

چیئرپرسن پنجاب ہیلتھ کیئر کمیشن ڈاکٹر عطیہ مبارک کے مطابق آپریشن کرنے والے سرجن کا کیس پی ایم سی اور محکمہ صحت کو بھجوا دیا۔

انہوں نے کہا کہ سرجن ڈاکٹر حسنین کے خلاف فوج داری کارروائی تجویز کی گئی ہے، متاثرین ڈاکٹر کے خلاف مقدمہ کے اندراج کی پولیس کو درخواست دیں ۔

تحقیقاتی کمیشن نے فیصلہ مکمل غیر جانب داری سے کیا ہے، سرجن ڈاکٹر حسنین کا خانیوال روڈ پر پرائیویٹ کلینک سیل کر دیا ہے۔

تحقیقاتی کمیشن نے واقعہ کی انکوائری رپورٹ حکومت پنجاب کو جمع کروا دی ہے۔

بشکریہ جنگ