سندھ، دفاتر میں 50فیصد اسٹاف کی روٹیشن پالیسی تبدیل

سندھ حکومت نے کورونا کیسز کی بڑھتی ہوئی شرح کو دیکھتے ہوئے اہم فیصلے کر لیے۔

حکومتِ سندھ کی جانب سے سرکاری دفاتر میں پچاس فیصد اسٹاف کی روٹیشن پالیسی ختم کر کے 20 فیصد ضروری اسٹاف کو بلانے کی اجازت دی  گئی ہے۔

 ترجمان سندھ حکومت بیرسٹر مرتضی وہاب کا کہنا ہے کہ سرکاری دفاتر میں صرف 20 فیصد ضروری اسٹاف کو بلایا جائے گا۔

سندھ میں تعلیمی ادارے، سرکاری دفاتر اور انٹرسٹی پبلک ٹرانسپورٹ بند کرنے کا فیصلہ کیا گیا ہے۔

انہوں نے کہا کہ صوبے کے تمام اسکول، کالج اور یونیورسٹیاں بھی بند رہیں گی۔

بیرسٹر مرتضی وہاب کے مطابق 29 اپریل سے انٹر سٹی ٹرانسپورٹ بھی بند رکھی جائیگی۔

اس سے قبل دفاتر میں پچاس فیصد اسٹاف کو روٹیشن پالیسی کے تحت بلایا جارہا تھا۔

بشکریہ جنگ