کنٹرول لائن پر بھارتی جارحیت سے متاثرہ خاندانوں کیلئے کفالت پروگرام کا آغاز

کنٹرول لائن پر بھارتی جارحیت سے متاثرہ خاندانوں کیلئے کفالت پروگرام کا آغازکردیا گیا ہے۔

وزیراعظم آزادکشمیر راجہ فاروق حیدر نے تقریب سے خطاب کرتے ہوئے کہا کہ متاثرہ خاندانوں کیلئےکفالت پروگرام آزادکشمیر حکومت کے زیراہتمام شروع کیاگیا ہے، شہید سول افراد کے اہلخانہ کو 3ہزار ماہانہ وظیفہ دیاجائے گا۔

وزیر اعظم آزادکشمیر راجہ فاروق حیدر خان کا کہنا ہے کہ اللّٰہ پاکستان کو سلامت رکھے اور قیادت کو شعور بخشے۔

انہوں نے کہا کہ شہید کی بیوہ کو ماہانہ 3ہزار روپے دیئے جائیں گے، متاثرہ بچوں کو21 سال کی عمر تک 3 ہزار روپے وظیفہ دیا جائےگا، کشمیریوں کی نسل کشی پرخاموش نہیں رہ سکتے۔

وزیر اعظم راجہ فاروق نے کہا کہ  ریاستی حکومت قوم کو مایوس نہیں کرے گی، کفالت پروگرام ریاست کےمالی وسائل کی تقسیم کی بہترین مثال ہے۔

بشکریہ جنگ