رواں ہفتے اعلیٰ امریکی عہدیدار پاکستان آرہے ہیں، ترجمان دفترِ خارجہ

دفترِ خارجہ کی ترجمان ممتاز زہرا بلوچ نے کہا ہے کہ رواں ہفتے اعلیٰ امریکی عہدیدار پاکستان کا دورہ کر رہے ہیں۔

اسلام آباد میں ہفتہ وار میڈیا بریفنگ کے دوران ممتاز زہرا بلوچ نے کہا کہ پاکستان نے امریکا کے ساتھ بات چیت کا عزم کر رکھا ہے۔

انہوں نے کہا کہ پاکستان غزہ میں مسلسل اسرائیلی جارحیت کی مذمت کرتا ہے، غزہ میں صورتحال تیزی سے خراب ہو رہی ہے۔

دفترِ خارجہ کی ترجمان ممتاز زہرا بلوچ نے کہا کہ اقوامِ متحدہ کے سیکریٹری جنرل کی اس صورتحال کو ختم کرنے کی آواز کے ساتھ ہیں۔

ممتاز زہرا بلوچ نے مزید کہا کہ جموں و کشمیر بین الاقوامی تسلیم شدہ متنازع علاقہ ہے۔

بشکریہ جنگ